Mulakat

It happens many a time when we sit alone, we think of the dreams that we have seen in our childhood, many dreams that we forgive for our parents, family and society, and there are some dreams that we achieved, i cleared TES(Technical entry schmes, INDIAN NAVY) but due to parental pressure i didn't joined the call, but also there are many dreams that i have achieved in my life, MULAKAT is the meet of those dreams of past and and our present selves ,as  its necessary that whatever we do today our past selves should be proud of us, i hope mine is, what about you?

 Aaj ek aarse bad khud se bat ho gai,

Kahi bhul sa gaya tha jis saksh ko,

Usse mulakat ho gai.

Aaj najane barso bad,

Kaise us masumiyat ne mera pata dundh liya,

Kaise mere sare sapne vado ko,

Mujhme jinda kiya.

Ke mano mere bachpan ki har ek shararat,

Mere samne ji uthi thi,

Us mulakat ke pal me,

Mere chahere pe sirkf khushi thi.

Aaj ek aarse bad khud se bat hui thi,

Kahi bhul gaya tha jin sapno ko,

Unse mulakat hui thi.

Mere sare sapne aaj mere samne khade the, 

Har ek apne hisse ke sawal liye the,

Ki jaise unko peeche chor aane ka karan puch rahe ho,

Ke jaise wo mere samne apni dil ki bat rakh rhe ho.

Main bhi unke har ek sawal ke jawabo me khud ko aur jan baitha tha,

Ki kaise me halato ke daman me unko gawa baitha tha,

Ki kaise kisi aur ki khusi ke liye mene apni khusi chupai thi,

Kaise apni sapno ki duniya ko mene aag lagai thi.

Mene samjhaya bhi tha unhe ki mera kusoor nhi tha ki jo kuch bhi hua usme,

Main to apna pura har kadam chala tha,

Par shayad mera un sapno se dur jana hi ek chara bacha tha.

Sapno ki us bheed me ek sapna aisa bhi tha jise mene pa liya hai,

Jise khuda ne mere sath khada kia hai,

Jo bhi socha tha kabhi,

Aaj wo har khwab uski baho me pura kia hai,

Whi jisse me kabhi bat karne se bhi darta tha,

Wo aaj mera sabse pyara safar ban gaya hai.

Unhi sapno ke beech me mujhe ek parchai dikhi,

Chota sa kad, bholi si ankhe aur baithe hue se bal,

Ek jani pehchani hui si chal,

Wo aur koi nhi par mera hi bachpan mere samne aa khada hua tha,

Aur sirf ye bolke mujhse cahla gaya,

Ki use mujhpe garv hai ki,

Jo usne kabhi socha tha aaj un sabhi sapno pe meri jeet hasil ho gai,

Aaj ek aarse bad khud se bat ho gai.